Կաթնամթերքը՝ իմունիտետի լավագույն խթան

Արդեն ձմեռ է, չնայած որ տարվա այս եղանակի խորհրդանիշ ձյունը ուշանում է, դրսում բավականին ցուրտ է, և ճիշտ ժամանակն է մեր իմունային համակարգի մասին հոգ տանելու: Համաճարակային իրավիճակում դա առավել կարևոր է դառնում: Ինչպես գիտենք՝ կաթնամթերքը մեր իմունային համակարգի լավագույն բարեկամն է: Թամարայի այսօրվա բլոգը հենց դրա մասին է: Կաթը միշտ եղել է առողջ սնվելու բաղադրիչ: Բոլորի մանկության հիշողությունները կապված են այն բանի հետ, որ մայրերը վազում էին իրենց հետևից՝ ստիպելու նրանց կաթ խմել: Դա առողջ նախաճաշի անսակարկելի մասն էր, միշտ եղել է և կլինի: Բայց մենք երբևէ հարցրե՞լ ենք ինքներս մեզ, թե ինչու է այդքան կարևոր կաթ խմել, ի՞նչ է դա անում: Եկեք պարզենք. Ահա կաթի և կաթնամթերքի 4 օգտակար հատկությունների ցանկը՝ համաձայն տարբեր հետազոտությունների, որոնք կատարվել են ամբողջ աշխարհում:

Լավ է շաքարախտով հիվանդների համար

Վերջերս մի ուսումնասիրություն ցույց տվեց, որ արյան գլյուկոզի մակարդակը կարելի է վերահսկել՝ առավոտյան կաթնաշոռ ուտելով: Գիտնականներն ասում են, որ եթե առավոտյան սպիտակուցներով հարուստ կաթնաշոռն ուտում են հացահատիկի հետ, ապա  ստամոքսում արտադրվում են հորմոններ, որոնք դանդաղեցնում են մարսողության գործընթացը և առաջացնում հագեցվածության զգացում: Սա կապահովի, որ մարդը ավելի քիչ սնունդ օգտագործի, ինչը կպահպանի արյան շաքարը և կկանխի գիրանալու վտանգը:

Ալերգիայի  ավելի քիչ հավանականություն

Հում կաթը, որը չպաստերիզացված և չհամասեռացված կաթն է, որը տալիս են խոտով կերակրվող կովերը, միշտ քննադատության է ենթարկվել: Բայց այս կաթն ավելի շատ օգուտներ ունի, քան որևէ մեկը կարող է պատկերացնել: Կաթը պարունակում է այնպիսի սննդանյութեր, ինչպիսիք են պրոբիոտիկները, վիտամին D-ն և իմունոգլոբուլինները, որոնք ուժեղացնում են իմունային համակարգը և իրենց հերթին նվազեցնում ալերգիայի վտանգը: Վստահեցնում ենք,որ առավոտյան 1 բաժակ Թամարայի կաթը կօգնի ավելի արդյունավետ պայքարել ալերգիայի դեմ:

Բարելավում է սրտի աշխատանքը

Թեև մենք հիմնականում կապում ենք կաթը ոսկորները ամրացնող կալցիումի հետ, այն նաև կարող է օգնել նվազեցնել սրտանոթային հիվանդությունները և ինսուլտ ստանալու հավանականությունը: Կաթը պարունակում է մագնեզիում և կալիում, որոնք կարող են օգնել նվազեցնել արյան ճնշումը և բարձրացնել արյան հոսքը դեպի կենսական օրգաններ, ինչը նվազեցնում է ճնշումը սրտի, ինչպես նաև սրտանոթային համակարգի վրա:

Լավացնում է ուղեղի աշխատանքը

Երեխաների համար կաթը պետք է լինի սննդի անբաժանելի մաս, քանի որ այն B վիտամինների լավ աղբյուր է, որոնք նպաստում են ուղեղի լավ աշխատանքին և անփոփոխ պահում քուն-արթնացման ցիկլերը: Կովի կաթը, մասնավորապես, օգտակար է երեխաների համար, քանի որ այն ունի լինոլաթթվի ցածր պարունակություն՝ միաժամանակ ունենալով ավելի բարենպաստ LA/ալֆա-լինոլենիկ հարաբերակցություն:

Դե ինչ, այսքանն էինք պատրաստել այսօրվա համար, հուսով ենք՝ Թամարայի բլոգը հետաքրքիր և օգտակար էր: Եղե՛ք առողջ, պաշտպանվե՛ք ոչ միայն դիմակով, այլև իմունային համակարգին օգնելով: Այդ հարցում ձեզ կօգնի <<Թամարա>> կաթնամթերքի լայն տեսականին: Բաց մի՛ թողեք մեր բլոգները, դրանք անչափ հետաքրքիր են: Առավել քաղցրասեր-հետաքրքրասերներին առաջարկում ենք << Խտացրած կաթ. ինչպե՞ս ստեղծվեց ու տարածվեց աշխարհով մեկ>> բլոգը: