Tamara - Արտադրություն

Պաղպաղակ

«Թամարա» պաղպաղակը պատրաստվում է խնամքով ընտրված հումքից՝ պահպանելով համի բնականությունն ու կառուցվածքի նուրբ, սահուն տեքստուրան։ Մենք մշտապես ընդլայնում ենք մեր տեսականին՝ առաջարկելով ինչպես դասական, այնպես էլ նորարարական համադրություններ տարբեր տարիքային խմբերի և նախասիրությունների համար։ Հետևողական և շարունակական աշխատանքի, ինչպես նաև ժամանակակից տեխնոլոգիաների կիրառման շնորհիվ՝ ընկերությունը տարիների ընթացքում դարձել է հայկական շուկայում պաղպաղակի արտադրության ոլորտի առաջատարներից մեկը:

Պաղպաղակի արտադրության ու փաթեթավորման համար անհրաժեշտ սարքավորումներն ու պարագաները հիմնականում ներմուծվում են Ավստրիայի և Իտալիայի առաջատար ընկերություններից ՝ Teсhnogel S.P.A., Seda, Cold Car, Vojta s.r.o., MITA Cooling Technologies S.r.l., Gram Equipment A/S, Franger S.r.l. և այլ:

Ընկերությունում այսօր արտադրվում են ավելի քան 90 տեսակ պաղպաղակ և պաղպաղակ-տորթեր:

Կաթ

«Թամարա» ընկերությունն իր ուրույն դիրքն ունի կաթի և կաթնամթերքի մթերման, վերամշակման, արտադրման ոլորտներում: Ընկերությունը հումքը ձեռք է բերում 2000մ ծովի մակարդակից բարձր գտնվող մարգահովիտներից` համագործակցելով 200-ից ավել ֆերմերային տնտեսությունների հետ` նրանց ապահովելով մշտական աշխատատեղերով և կայուն եկամտով, ձերբազատելով գյուղացուն կաթի պահպանման, տեղափոխման և իրացման խնդիրներից, ինչն էլ ապահովում է ֆերմային տնտեսությունների զարգացումը:

Ընկերությունում արտադրվում են 15 անուն կաթնամթերք և պանիրների տեսականի, մասնավորապես` կաթ, մածուն, քամած մածուն, յոգուրտ, թան, կեֆիր, կաթնաշոռ, թթվասեր, թթվասերային մթերք, կարագ,կաթի փոշի: Արտադրանքներն ունեն տարբեր բաղադրություններ, յուղայնություններ և փաթեթավորում:

Տեսականին առանձնանում է համային յուրահատկություններով և թարմությամբ: Արտադրանքի որակի ամենօրյա հսկողությունն իրականացվում է հենց գործարանում, որտեղ խստագույնս հետևում են թարմությանն ու անվտանգությանը, մակնշման և պիտանիության ժամկետներին, առանձնակի խստությամբ` մաքրությանը:

Հրուշակեղեն

Ընկերությունն ավելի քան 15 տարի զբաղվում է թխվածքների և թխվածքաբլիթների արտադրությամբ և շուկայում ներկայանում է պարբերաբար թարմացվող տեսականիով: Արտադրության մեջ օգտագործվում են սեփական արտադրության խտացրած կաթն ու կարագը:

Ընկերությունը 2019թ-ի տարեսկզբից խոշոր ներդրում է կատարել` ձեռնամուխ լինելով նոր պահեստների կառուցմանը: Մասնավորապես նախկին ամոնյակային հիմքով պահեստները փոխարինվել են նոր ֆրիոնային համակարգով:

Սառեցված կիսապատրաստվածքներ

Ընկերությունը հիմնադրվել է 2007թ.-ի հունվարին. հիմնական գործունեությունը սառեցված կիսապատրաստվածքների արտադրությունն է: Ընկերությունն ապահովված է իտալական, թայվանական բարձրակարգ և արդի սարքավորումներով:

Արտադրության հիմնական հումքն են բարձր որակի ոսկրահանված տավարի միսը, խոզի ճարպը, բարձր տեսակի ցորենի ալյուրը և հայկական հողում աճեցված, հայի քիմքին հարազատ համեմունքները: Ե՛վ հումքը, և՛ արտադրանքը պարբերաբար ենթարկվում են լաբորատոր փորձաքննության: Այժմ ընկերությունն արտադրում է շուրջ քառասունչորս անուն-ապրանք:

Մեր մասին